Nokia 1680 classic - Shërbimet SIM

Për disponueshmërinë dhe informacion rreth përdorimit

të shërbimeve të kartës SIM, kontaktoni me shitësin e

kartës suaj SIM. Ai mund të jetë furnizuesi i shërbimit ose

ndonjë shitës tjetër.

17. Informacioni për baterinë

Ngarkimi dhe Shkarkimi

Pajisja juaj furnizohet me energji nga një bateri që mund

të ringarkohet. Bateria mund të ngarkohet dhe shkarkohet

me qindra herë, por pas njëfarë kohe ajo do të

konsumohet. Kur koha e pritjes dhe bisedat janë më të

shkurtra se zakonisht, zëvendësoni baterinë. Përdorni

vetëm bateri të aprovuara nga Nokia, dhe ringarkojeni

baterinë vetëm me ngarkues që janë projektuar për këtë

pajisje dhe të aprovuar nga Nokia.
Në qoftë se bateria që do të përdoret për zëvendësimin

është e papërdorur ose nuk është përdorur për një kohë të

gjatë, mund të jetë e nevojshme që ta lidhni me ngarkuesin

dhe më pas ta shkëpusni dhe pastaj ta lidhni përsëri që të

fillojë ngarkimin.
Hiqeni ngarkuesin nga priza elektrike dhe nga pajisja kur

nuk është në përdorim. Mos e mbani të lidhur me

ngarkuesin një bateri plotësisht të ngarkuar, sepse

ngarkimi i tepërt mund të shkurtojë jetëgjatësinë e saj.

Nëse një bateri plotësisht e ngarkuar lihet e papërdorur,

ajo do të shkarkohet pas një farë kohe.